
الشعر الشعبي التراثي العام ( البسيط)
===================
أريد أذكر لك سوالف —
بالذاكرة تسير تتجوّل
َ
ذكرى أعراسنا القديمة —
مـا نسينـا عـرس أوّل
مولـد حسينيـة شفنـا —
العرس بيه چان أجمّل
والناس تدخل وبسكينة —
قاعدين يسمعوا الموّلـد
===================
الله عالصوت اللي يقرأ —
تسمعه بشـوق وتقف
صوت قُرائنـا اللي راحوا —
واليـوم غير ويختلـف
صوت حوّاجنـا العزيـز —(1)
سيد أحـمـد ينوّصـف
بكل مجلس إله ذكرى —
رحمة الله عليك يا سيد
===================
من يجي المعرس ويدخل —
ديچ الحسينية شـوف
الناس قاعدين تنتظر —
ما ترى بيهـا صفوف
يچي يقعد يم أبـوه —
والناس ترسل له بچفوف
السلام مبروك يا معرس —
تشوفه فرحان حاله جيّد
===================
قُڨـة مليانة حـلاوة —
لأحلى ناس وخير جلاّس
سكسبال وأشكال حلوة —(2)
والنقل كسّره بالأضراس
مو مثل بوفيـه مفتوح —
يأكل يعبّي بلأچياس
وما أظن عرس هالزمن —
إله تشجيع ومؤيـِد
===================
شوف ديچ المنقلـة —
ليها زهوتها وفي جانب
وغواري الشاي وقهوة —
عالفحم لذة الشارب
وشوف دلاتهـا الوفيرة —
يدور بيها عالحبايب
والمسرات عالوجوه —
يا حلاته وأحلى مشهد
===================
اللّي يـعـزم للـعـرس —
يدور يفتر عالفريچ
تفضلوا عرس فلان —
الدعوة عامة لكل صديـچ
والصغار تركض وراه —
ويعلى صوته بالطريچ
يا أنس أعراس لـوّل —
صورة بالقلب تتشيّـد
===================
يا ســلام مــن نـذكــره —
عرس أول بالجلوس
نحتضنها خمس ليالي —
تنشرح فيها النفوس
جلسة التبريك إنس —
للعريس ويّـه العروس
راحت الجلسة وإنسهـا —
وإنحكم فيها مؤبّـد
===================
العروس لـوّل زفافهـا —
في مجالس للحسين (حسينيات)
تنـزل إعليـهـن فضايـل —
احين أسأل قولي وين ؟
في وسط قاعة وفنادق —
يباتوا فيـهـا ليلتيـن
والمصاريف خلّها سكته —
الباقي عندك لا يُعدد
===================
شوف أعـراس هالزمـن —
إزدحام يا عجب كلفة
والطوابـيـر وإنتـظــر —
يعينك الله شقد وقفة
َوالظهر يشكي ومفاصل —
وذاك يشكو ألم چتفـه
والمصـوّر لو تكلمـه —
ما تشوف في وجهه الـرد
===================
الله يا زحمة عرسنا —
إوقف إقبض لك سرى
شوف توقف چم دقيقة —
زحمـة گـدام اورا
والظهر منحني وسفة —
ولرجول إمكسّرة
والعريس وأهله وقوف —
والمكسّر على مقعـد
===================
عندي وياكم حچاية —
عن عرسنا شلون يصير
إنجي لحسينية من وقت —
خوف يتجمع كثيـر
من حضور الناس وزحمة —
ما كو حل بالله يسيـر
إرجعوا لعادات لـوّل —
نامت العادات سرمّـد
===================
الهوامش :
1- قارئ المواليد المرحوم / السيد أحمد الحواج ابو سيد أمين رحمة الله عليه
2- أحياناً تنطق كسكبال (الفول السوداني)
===================
أريد أذكر لك سوالف —
بالذاكرة تسير تتجوّل
َ
ذكرى أعراسنا القديمة —
مـا نسينـا عـرس أوّل
مولـد حسينيـة شفنـا —
العرس بيه چان أجمّل
والناس تدخل وبسكينة —
قاعدين يسمعوا الموّلـد
===================
الله عالصوت اللي يقرأ —
تسمعه بشـوق وتقف
صوت قُرائنـا اللي راحوا —
واليـوم غير ويختلـف
صوت حوّاجنـا العزيـز —(1)
سيد أحـمـد ينوّصـف
بكل مجلس إله ذكرى —
رحمة الله عليك يا سيد
===================
من يجي المعرس ويدخل —
ديچ الحسينية شـوف
الناس قاعدين تنتظر —
ما ترى بيهـا صفوف
يچي يقعد يم أبـوه —
والناس ترسل له بچفوف
السلام مبروك يا معرس —
تشوفه فرحان حاله جيّد
===================
قُڨـة مليانة حـلاوة —
لأحلى ناس وخير جلاّس
سكسبال وأشكال حلوة —(2)
والنقل كسّره بالأضراس
مو مثل بوفيـه مفتوح —
يأكل يعبّي بلأچياس
وما أظن عرس هالزمن —
إله تشجيع ومؤيـِد
===================
شوف ديچ المنقلـة —
ليها زهوتها وفي جانب
وغواري الشاي وقهوة —
عالفحم لذة الشارب
وشوف دلاتهـا الوفيرة —
يدور بيها عالحبايب
والمسرات عالوجوه —
يا حلاته وأحلى مشهد
===================
اللّي يـعـزم للـعـرس —
يدور يفتر عالفريچ
تفضلوا عرس فلان —
الدعوة عامة لكل صديـچ
والصغار تركض وراه —
ويعلى صوته بالطريچ
يا أنس أعراس لـوّل —
صورة بالقلب تتشيّـد
===================
يا ســلام مــن نـذكــره —
عرس أول بالجلوس
نحتضنها خمس ليالي —
تنشرح فيها النفوس
جلسة التبريك إنس —
للعريس ويّـه العروس
راحت الجلسة وإنسهـا —
وإنحكم فيها مؤبّـد
===================
العروس لـوّل زفافهـا —
في مجالس للحسين (حسينيات)
تنـزل إعليـهـن فضايـل —
احين أسأل قولي وين ؟
في وسط قاعة وفنادق —
يباتوا فيـهـا ليلتيـن
والمصاريف خلّها سكته —
الباقي عندك لا يُعدد
===================
شوف أعـراس هالزمـن —
إزدحام يا عجب كلفة
والطوابـيـر وإنتـظــر —
يعينك الله شقد وقفة
َوالظهر يشكي ومفاصل —
وذاك يشكو ألم چتفـه
والمصـوّر لو تكلمـه —
ما تشوف في وجهه الـرد
===================
الله يا زحمة عرسنا —
إوقف إقبض لك سرى
شوف توقف چم دقيقة —
زحمـة گـدام اورا
والظهر منحني وسفة —
ولرجول إمكسّرة
والعريس وأهله وقوف —
والمكسّر على مقعـد
===================
عندي وياكم حچاية —
عن عرسنا شلون يصير
إنجي لحسينية من وقت —
خوف يتجمع كثيـر
من حضور الناس وزحمة —
ما كو حل بالله يسيـر
إرجعوا لعادات لـوّل —
نامت العادات سرمّـد
===================
الهوامش :
1- قارئ المواليد المرحوم / السيد أحمد الحواج ابو سيد أمين رحمة الله عليه
2- أحياناً تنطق كسكبال (الفول السوداني)