لا تنسى تعب امّك و لا
امگاساها الاهوال
من يوم حِملت بيك
لين اصبحت رجّال
الله فرض برها و بعد الاحسان ليها
بالك بعد تگطعها لو ما اتمر عليها
اتحاتيك دايم ترتجي اتشوفك تجيها
و اعليك ما زالت ترى مشغولة البال
لا كبرَت الأُمّ العزيزه شوف امرها
إن كان محتاجه غرض و ارفع قدرها
حِب راسها لمّن تجي و خفّف كدرها
و ان كان تگدر لا عليها تبخل ابمال
لا رحت وحدك كون تسمع من تحاچيك
تسأل عن احوالك ينور العين وشبيك
بالك تطنّشها و لا كنها تناديك
تشغلك عنها امحادثة وتساب جوّال
و لا رحت ليها بالجهال و رايد اتزور
بالك تخلّيهم يخلّوا البيت شعرور
و اتزيد تالي من تعبها و ما بك اشعور
امسكهم عدل لا يصير كلّش عندك اهمال
و انت من اتخلّي جهالك عدها و اتروح
عن شغل تحبسها و عزيّه و لا لك اتبوح
اتباري جهالك و انت صرت ابهذا مشروح
ما فكّرت بيها و لا كانت على البال
أمّك من الخدمه ترى انترست تجاعيد
عاين وجها و كيف منها صارت الإيد
جازيها بالإحسان يا ودّ الأجاويد
تنعم ابخير الآخره و ابخير الاعمال
لا تگطع الجيّه تراهي اتريد ملگاك
من تگبل اعليها تگوم اتگول حيّاك
كلّ الحنان ابها و لا فد يوم تنساك
رحمه عليك اوجودها لو تنظر الحال
أمّك و بوك بهالعمر صاروا ابحاجه
مِن تصِد عنهم كل فرد يبدي انزعاجه
ما شم جنان الله الذي عَق بعوجاجه
و گطّع ارحامه امن الوصل تگطيع الاوصال
لا اتشوف حالك بالغنى عنهم استغنيت
لمّا اطلعت عنهم و لا بزياره ردّيت
لا تنسى بيت اهلك ترى بظلّه تربّيت
و لا تنسى فضل امّك و بوك ابكلّ الاحوال
و ان كان رايد جنّة الباري و نعيمه
و يوم القيامه ترتجي فوز و غنيمه
و تتوّفگ ابدنياك و احوالك سليمه
أدّي احگوگ امّك و بوك ابگول و افعال .
امگاساها الاهوال
من يوم حِملت بيك
لين اصبحت رجّال
الله فرض برها و بعد الاحسان ليها
بالك بعد تگطعها لو ما اتمر عليها
اتحاتيك دايم ترتجي اتشوفك تجيها
و اعليك ما زالت ترى مشغولة البال
لا كبرَت الأُمّ العزيزه شوف امرها
إن كان محتاجه غرض و ارفع قدرها
حِب راسها لمّن تجي و خفّف كدرها
و ان كان تگدر لا عليها تبخل ابمال
لا رحت وحدك كون تسمع من تحاچيك
تسأل عن احوالك ينور العين وشبيك
بالك تطنّشها و لا كنها تناديك
تشغلك عنها امحادثة وتساب جوّال
و لا رحت ليها بالجهال و رايد اتزور
بالك تخلّيهم يخلّوا البيت شعرور
و اتزيد تالي من تعبها و ما بك اشعور
امسكهم عدل لا يصير كلّش عندك اهمال
و انت من اتخلّي جهالك عدها و اتروح
عن شغل تحبسها و عزيّه و لا لك اتبوح
اتباري جهالك و انت صرت ابهذا مشروح
ما فكّرت بيها و لا كانت على البال
أمّك من الخدمه ترى انترست تجاعيد
عاين وجها و كيف منها صارت الإيد
جازيها بالإحسان يا ودّ الأجاويد
تنعم ابخير الآخره و ابخير الاعمال
لا تگطع الجيّه تراهي اتريد ملگاك
من تگبل اعليها تگوم اتگول حيّاك
كلّ الحنان ابها و لا فد يوم تنساك
رحمه عليك اوجودها لو تنظر الحال
أمّك و بوك بهالعمر صاروا ابحاجه
مِن تصِد عنهم كل فرد يبدي انزعاجه
ما شم جنان الله الذي عَق بعوجاجه
و گطّع ارحامه امن الوصل تگطيع الاوصال
لا اتشوف حالك بالغنى عنهم استغنيت
لمّا اطلعت عنهم و لا بزياره ردّيت
لا تنسى بيت اهلك ترى بظلّه تربّيت
و لا تنسى فضل امّك و بوك ابكلّ الاحوال
و ان كان رايد جنّة الباري و نعيمه
و يوم القيامه ترتجي فوز و غنيمه
و تتوّفگ ابدنياك و احوالك سليمه
أدّي احگوگ امّك و بوك ابگول و افعال .
