لكرونه في البحرين تستقبل ملاهيف
تگلهم تعالوا و اخذوا فيروسي بسرعه
ما زلِت موجوده و لا أشبع من النّاس
با سوّي فيكم من تجو بالاجسام زرعه
و من ترجعوا لبلادكم روحوا افحصوا زين
مو شرط يسلم هالذي ماخذ له جرعه
حسبالي رحتو للنّبي ابطيبه تزوروه
اشعدكم على البحرين جيتوها بفزعه ؟!
ما أدري هالوادم بعد يمتى يحسُّون
بهاي المُصيبه و لا متى هالنّاس تُوعى
و الّلي بيرجع لو حمل ويّاه فيروس
و جابه البلد شنهو الذي منّه نتوقعه
لا قدّر الله ابتنتشر عدنا الإصابات
و بنشوف لافراگ الأحبّه النّاس تنعى
وزارة الصّحّه كان ليها دور مشهود
تشكر مساعيها و الى الحد منّه تِسعى
لكن بعض هالنّاس مستهتر بلا احساس
با سافر يگلّك و خلّي الگرعه ترعى
