كل يوم يا خويه الخبر فينا تعيده
و ازياده في الحالات تخبرنا جديده
كثرة اخبار المحزنه تدوي بالگروب
كل فرد يقراها يحس انّه المصيوب
مِن تخبر بحالات گلبه يصير مرعوب
يتمّ برعب و بخوف و بروعه شديده
خل عنّك اخبار الحزن و ارحم الوادم
خلّيتها بهمّ و فزع كنها بمآتم
كل يوم تخبرها بخبر مفجع و صادم
و السّاتر الله كان ما كانت أكيده
كلمن اله وتساب بيده و منّه يقرا
و النّاس في هذا الوضع تبغى المسرّه
لو گِلت هالأوضاع صارت مستقرّه
بيدعي لك الباري بعد عمرك يزيده
خلّي الخبر منّك الوادم يأنسونه
و اذكر خبر مزيون منّك يسمعونه
و گلهم گريب انشالله تغادر اكرونه
و تصبح گطيف الخير في مأمن حميده
كافي على الوادم هلَع من هاي الاخبار
تدري عليها من الفزع حالة استنفار
نسأل الباري بالنّبي و آله الأطهار
يطرد اكرونه برحمته و يرحم عبيده .
